سندويش الدجاج بخبز الصاج و الكريمة
المقادير:
دجاجه مسلوقه بدون جلد مع البهارات و الفلفل الاسود و البصل و الدارسين و المسمار و حب الهيل و الملح
4 الى 5 خبزات صاج بدون الاطراف
بصله صغيره مقطعه قطعاً صغيرة
3 ملعقة طعام بقدونس ناعم تقريبا
مكعب دجاج ماجي
القليل من زيت ذره
كيس كبير جبن موزاريلا مبشور ( 400 غ تقريباً (
2 علبه كريمه kdd حمرا
الطريقة:
- فتتي الدجاجه المسلوقه , ثم احمسيها بالزيت مع البصل و البقدونس و مكعب ماجي , تبلي بالبهارات و الفلفل الاسود .
- ابعدي القدر عن النار ثم اضيفي نصف كميه الجبن على الدجاج الساخن و أقل من علبه من الكريمه و قلبي .
- افردي خبزة الصاج , ضعي كمية من الحشوة على الطرف و لفيها مثل السويس الرول , قطعيها ثلاث أو أربع اقسام او اكثر حسب الرغبه .
- صفي قطع الخبز في طبق فرن و رشي عليه علبة كريمة و باقي كميه الجبن .
- ضعي الصينية في الرف الاوسط في الفرن و على حراره معتدله , اشعلي الفرن من الأسفل فقط حتى لايحترق الجبن , و دعي الصينية في الفرن حتى يسوح الجبن .
- زيني السندويش بالقليل من البقدونس و قدميه ساخناً .
- الكمية تكفي من 4 الى - 6 اشخاص .
" نصائح الشيف "
- اذا كنت تفضلين السندويش مقرمشاً من فوق ومحمر من الأسفل , قومي بتحمية الفرن من الأعلى و الأسفل و ادهني السندويش بالكريما فقط , و اخبزي السندويش في الفرن حتى تبدأ الكريما بالنشفان , اضيفي الجبن و دعيه يسوح ثم قدمي السندويش .
- البقدونس داخل الحشوة يعطي السندويش طعم مميز لذا ممكن زيادة الطمية .
-
سندويشااات الدجاج بالجبنه...
المقادير :
خبز سليس ..
الحشوه ( دجاج او لحم او اي شي تحبين)
جبن سلايس
مايونيز
الطريقــــــــــــه ::
ممكن تستعملون اي حشوووه...انا استعملت هالحشوه...
نحضر الحشوه..:
نحط البصل والثوم لين يحمرون وعقب نحط الدجاج ونحركهم شوي وعقب نحط الطماطم و الكزبره ونحركهم ونخليهم على النار لين يذوب الطماطم وعقب نحط الماجي والملح والبهار...وعقب نحط صلصلة الطماطم ونحركهم لين يستوي ...
اول شئ ناخذ روتي سلايس و نمسح الوجه بشوية مايونيز
وعقب نحط الحشووووه...
ونحط فوقه جبن سلايس
وعقب الخبزه الثانيه نمسحها بشويه مايونيز ونغطي الساندويش
وانحط الساندويش بالشوايه
وعقب نسكر الشوايه لين يجهز ويذوب الجبن...
هذا هو الشكل النهائي
نقيت خفيف
المقادير
خبز مفرود وفي روايه اخرى خبز لبناني
تونه
شوب بقدونس مقطع قطع صغيره جدا
مايونيز
جبن
شوي فلفل اسود - 2 م ليمون
الطريقه
نجيب خبز المفرود ونقص شوي جوانبها مثل الصوره رقم2
نفك خبزة المفرود من الوسط بحيث يصبح عندنا خبزتين
ندهن الخبزه من داخل بجبن سائل ولاتكثرون مره فقط مسحه
نخلط التونه بعد ماهرسناها مررره ونحط عليها المايونيز و شوي فلفل اسود و 2م ليمون وشوي بفدونس ناعم (مقطع قطع صغيره )0
بعدها نحطها فوق الخبزه مثل الصوره رقم 4 ونلفها كويس
ونغطيها بالقصدير ونحطها بالفريزر ربع ساعه عشان تتماسك
بعدها نطلعه ونقطعها ونحطها بالبيض والبقسماط ونقليها
كل خطوه موضحتها بالصور
ملاحظه : طعم التونه ماراح ينبان للي مايحبه التونه
وبالف صحه وعافيه
--------------------------------------------------------------------------------
ريسول ( بالبان كيك)
طعمها لذيذ ماينشبع منها
المقادير
العجينة :
1ونص ك طحين
نص م ص ملح - 2 بيض
1ونص ك حليب سائل
تخلط معاً في خلاط اليد
الحشوة :
3م زبدة
ملح
1ثوم مهروسه
1بصل
فلفل اسود
2صدر دجاج مسلوق (مقطع صغير )
2جزر (مقطع صغير )
تحمس مع بعض وتوضع على جنب
البشمل :
3م طحين - فلفل اسود
1ونص ك حليب سائل
ملعقة زبدة - ملح
تذوب الزبدة مع الطحين والفلفل الاسود وملح واذا صارت بنيه نضع الحليب وتحرك إلى ان تثقل
الطريقة
تخبز العجينة مثل البان كيك ( بالالة البان كيك او الرصع ) ونخليها تكون رقيقه
وتخلط الحشوة مع البشمل
وتلف البان كيك على شكل السبرنق رول ثم توضع في البض ثم البقسماط ثم تقلى
، وتقدم ساخنة
في النهايه لاتحرموني من دعاويكم الحلوه
وانتظر تطبيقاتكم